ዮሐንስ ራዕይ

                     ክፍል 3

እንዴት ሰነበታችሁ ዘመዶቸ ፡፡ ባለፈው በዘመን ፍጻሜ በእስራኤል ከሚሆኑት ምልክቶች የመጀመሪያውን (ድንጋይ በድንጋይ ላይ ይፈርሳል) ለማየት ሞክረናል ዛሬ ሁለተኛውን እንቀጥላለን :-

2. በለስና ዛፎች

     ምሳሌንም ነገራቸው እንዲህ ሲል፦ በለስንና ዛፎችን ሁሉ እዩ፤ ሲያቈጠቍጡ ተመልክታችሁ በጋ አሁን እንደ ቀረበ ራሳችሁ ታውቃላችሁ፡፡ ሉቃ21፤29-2

በመጽሐፍ ቅዱስ ውስጥ እስራኤል በአብዛኛው በሶስት ዛፎች ተወክላ እናገኛታለን ፤- በበለስ ፤ በወይራ እና በወይን ሆሴ 9፤10 ሮሜ 11፤17 ኢሳ 5፤1 ኢዩ 1፤7 የኛ ቤተ ክርስቲያን ሊቃውንትም በለስ ዘይቤ ቤተ እስራኤል እሙንቱ (በበለስ የተመሰለው የእስራኤል ቤት ነው) ብለው ተርጉመውታል፡፡

በእስራኤል የበለስ ቅጠል ሲለሰልስ ክረምቱ አልፎ በጋ እየቀረበ እንደሆነ አመላካች እንደሆነው ሁሉ በበለስ የተመሰለችው እስራኤል ስታቆጠቁጥ (እንደገና እንደ ሀገር ስትመሰረት) ዛፎችም እንዲሁ መብቀል ሲጀምሩ (ሌሎች መንግስታትም ነጻነታቸውን ሲቀዳጁ)

በጋ የተባለው የጌታ ዳግም ምጽአት እጅግ ቅርብ ይሆናል፡፡
አብዛኛወቹ የስነ-መለኮት ሊቃውንተና የትንቢት ተመራማረወች እንደሚስማሙበት ይህ የጌታ ኢየሱስ ትንቢት እስራኤል እንደገና በተመሰረተችበትና ብዙ ሀገሮች ነጻ በወጡበት በዚህ እኛባለንበት በ 20ኛው ክፍለ ዘመን ተፈጽሟል፡፡

·         በለሷ (እስራኤል) በ 1948 እ.ኤ.አ ስለተመሰረተች(ከፈረሰች ከ 2553 አመት ብኃላ)፤- ይህንን ሃሳብ በሚቀጥለው ክፍል እንደገና በሰፊው እንመለስበታለን፡፡

·         ዛፎች (ነጻ መንገስታት) በ 1945 የተባበሩት መንግስታት በ 51 ልኣላዊ ሀገራት ስለተመሰረተ፡፡ አሁን ከ200 ሀገራት በላይ በአባለነት ይዛል፡፡

እነዚህ ሁለት የታሪክ ክስተቶች ለጌታ ዳግም ምጽአት እጅግ መቅረብ እንደ ሁነኛ ማሳያወች ከማገልገላቸውም በላይ አሁን ባለንበት በአንዱ ቀን እንኳን ጌታ ሊመጣ ይችላል ብለን እንድናስብ የሚያስገድዱ ግልጽ ምልክቶች ናቸው፡፡

ዋናው ነገር ቀኑም ሆነ ስአቱ ስለማይታወቅ ተዘጋጅቶ መጠበቅ ነው፡፡

ንስሀ ገብተን ስጋ ወደሙ ተቀብለን ተዘጋጅተን ጌታን በአየራት ለመቀበል ያብቃን ፡፡

                    አሜን::::::